Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mið 07. mars 2018 17:32
Guðmundur Aðalsteinn Ásgeirsson
Ásmundur búinn að velja byrjunarliðið gegn Danmörku
Sara heldur sæti sínu í byrjunarliðinu.
Sara heldur sæti sínu í byrjunarliðinu.
Mynd: Fótbolti.net - Hafliði Breiðfjörð
Ásmundur stýrir Íslandi í dag.
Ásmundur stýrir Íslandi í dag.
Mynd: Fótbolti.net - Hafliði Breiðfjörð
Ásmundur Haraldsson, aðstoðarþjálfari A landsliðs kvenna, hefur tilkynnt byrjunarlið Íslands fyrir leik liðsins gegn Danmörku sem leikur um 9. sæti á Algarve æfingamótinu í dag.

Ásmundur stýrir Íslandi í leiknum í fjarveru Freys Alexanderssonar sem er á þjálfaranámskeiði á vegum UEFA.

Ásmundur gerir sjö breytingar á byrjunarliðinu frá jafnteflinu gegn Evrópumeisturum Hollands. Glódís Perla Viggósdóttir, Hallbera Guðný Gísladóttir, Sara Björk Gunnarsdóttir og Fanndís Friðriksdóttir halda sæti sínu í byrjunarliðinu.

Hér að neðan má skoða byrjunarliðið en þetta er í annað skipti á mótinu þar sem Ísland og Danmörk mætast. Þau mættust líka í fyrsta leik en þá var niðurstaðan markalaust jafntefli. Danmörk er silfurliðið frá Evrópumótinu síðasta sumar.

Leikurinn hefst 18:30.

Byrjunarlið Íslands:
Sonný Lára Þráinsdóttir (m)
Guðný Árnadóttir
Glódís Perla Viggósdóttir
Anna Björk Kristjánsdóttir
Svava Rós Guðmundsdóttir
Hallbera Guðný Gísladóttir
Sara Björk Gunnarsdóttir
Andrea Rán Hauksdóttir
Hlín Eiríksdóttir
Katrín Ásbjörnsdóttir
Fanndís Friðriksdóttir



Athugasemdir
banner
banner
banner
banner
banner