Leikmenn Basel geta gengið stoltir frá borði eftir að hafa fallið úr leik í Meistaradeildinni í kvöld. Liðið vann Manchester City 2-1 á útivelli en er úr leik eftir að hafa tapað fyrri leiknum 4-0.

Með sigrinum í kvöld endaði Basel 36 leikja hrinu Manchester City á heimavelli án taps.

City hefur verið á ótrúlegu skriði á tímabilinu og ekki mörg lið sem hafa strítt þeim. Basel er aðeins fjórða liðið sem tekst að vinna lærisveina Guardiola á þessu tímabili. Hin liðin eru Shakhtar Donetsk, Liverpool og Wigan Athletic.

Basel er fyrsta liðið sem nær að vinna City á Etihad-vellinum á tímabilinu, og eins fyrr segir fyrsta liðið í 36 leikjum.