Marcus McGuane kom af bekknum þegar 15 mínútur voru eftir af leiknum í stöðunni 0-0. Marcus varð þar með fyrsti Englendingurinn til að spila með Barcelona síðan Gary Lineker gerði það árið 1989.

Marcus yfirgaf Arsenal í janúar eftir að hafa spilað tvo aðalliðsleiki með félaginu, en þeir komu báðir í riðlakeppni Evrópudeildarinnar.

Espanyol var gríðalega þétt fyrir og hélt Barcelona-mönnum vel frá marki sínu. Erfitt var fyrir Barcelona að koma boltanum í netið og þurfti að blása til vítuspyrnukeppni.

Þar höfðu Börsungar betur og hetja þeirra var hollenski markmaðurinn Jasper Cillessen sem varði lokaspyrnu leiksins frá Jose Manuel. Barcelona vinnur því Ofurbikarinn í Katalóníu en þessi keppni var nýlega sett á laggirnar.

Ofurbikar Katalóníu er leikur sem fram fer á tveggja ára fresti og var hann fyrst spilaður árið 2014. Tvö bestu lið Katalóníu frá tímabilinu áður mætast. Barcelona og Espanyol hafa bara tekið þátt í leiknum hingað til en Espaynol vann leikinn 2016. Í kvöld endurheimti Barcelona titilinn eftir að hafa unnið hann fyrst 2014.

Þetta var fyrsti bikar sem Ernesto Valverde þjálfari Barcelona vinnur með liðinu. Þetta verður líklega ekki sá eini sem hann vinnur með Barcelona á þessu tímabili, enda hefur Barcelona gríðarlegt forskot í spænsku úrvaldsdeildinni.

Marcus McGuane becomes the first Englishman to feature for @FCBarcelona since Gary Lineker in 1989 👏 pic.twitter.com/EcUJgz7ADv

— Dugout (@Dugout) March 7, 2018