Burnley á enn góðan möguleika á því að lenda í Evrópusæti þrátt fyrir slakt gengi eftir áramót.

Liðið vann sinn fyrsta deildarleik frá 12. desember, er liðið hafði betur gegn Everton í Íslendingaslag, 2-1.

Burnley er sem stendur í sjöunda sæti, fimm stigum á eftir Arsenal sem er í sjötta sæti. Sjöunda sæti gefur þáttökurétt í Evrópudeildinni, ef liðið sem verður bikarmeistari er í efstu sex sætunum.

„Það væri frábært," segir Stephen Ward, varnarmaður Burnley, aðspurður af Sky Sports út í Evrópukeppni. „Augljóslega yrði þetta ótrúleg tilfinning fyrir stuðningsmennina að upplifa og ótrúlegt afrek fyrir okkur."