Sú ákvörðun Puel að velja miðjumanninn Daniel Amartey til að spila hægri bakvörð gegn Bournemouth vakti athygli.

Amartey meiddist svo eftir 20 mínútna leik og vængmaðurinn Marc Albrighton þurfti að leysa stöðuna. Hann fékk svo dæmda á sig vítaspyrnu.

Leikurinn endaði 1-1 þar sem Riyad Mahrez jafnaði í uppbótartíma.

Fjölmiðlar spurðu Puel út í liðsval hans.

„Við höfum mismunandi tækifæri. Ég vildi sjá Daniel Amartey því hann hefur æft vel, sýnt gæði og lagt mikið á sig," sagði Puel en Leicester er sem stendur í áttunda sæti.