Íslenska kvennalandsliðið skipað leikmönnum 19 ára og yngri lék sinn síðasta leik á La Manga æfingamótinu í gær, er liðið mætti Svíþjóð.

Leikurinn endaði með 1-1 jafntefli, en það var Dröfn Einarsdóttir sem skoraði mark Íslands í síðari hálfleik.

Ísland tapaði 2-1 fyrir Ítalíu í fyrsta leik sínum á mótinu og átti svo að mæta Skotlandi í öðrum leiknum. Það gekk ekki eftir vegna þess að Skotar voru veðurtepptir að því er segir á mbl.is. Ísland spilaði því tvisvar við Svía. Fyrri leikurinn endaði með 2-0 tapi en úrslitin voru betri í gær eins og áður segir, 1-1.