Aleix Egea verður með Víkingi Ó. í sumar (Staðfest)

Víkingur Ólafsvík hefur samið við spænska varnarmanninn Aleix Egea Acame um að hann leiki aftur með liðinu í Pepsi-deildinni í sumar.

Aleix skoraði tvö mörk í átján leikjum með Víkingi í Pepsi-deildinni í fyrra en hann kom til félagsins í upphafi tímabils.

Í vetur hefur Aleix spilaði með Almoradi í spænsku D-deildinni en hann er nú á leið til Ólafsvíkur á nýjan leik.

Aleix hittir lið Víkings í æfingabúðum á Pinatar á Spáni á sunnudaginn.

Fyrr í vetur fékk Víkingur miðvörðinn Mirza Mujicic til liðs við sig en félagið er einnig með pólska miðvörðinn Tomasz Luba innan sinna raða líkt og undanfarin ár.