Nú kynnum við liðið sem spáð er fjórða sæti en á morgun verða þrjú efstu liðin öll kynnt til leiks.

Spáin:
1. ?
2. ?
3. ?
4. Víkingur R. 185 stig
5. Selfoss 149
6. Leiknir 127 stig
7. Fjölnir 123 stig
8. Þróttur 121 stig
9. BÍ/Bolungarvík 101 stig
10. Tindastóll 55 stig
11. Völsungur 43 stig
12. KF 33 stig

4. Víkingur R.
Heimasíða: vikingur.is
Lokastaða í fyrra: 6. sæti í 1. deild

Reykjavíkur-Víkingum gekk ekki í fyrra að komast aftur upp í Pepsi-deildina þar sem þeir telja sig eiga heima. Félagið er duglegt við að fá til sín þekkt nöfn. Í spánni er ekki langt á milli fjögurra efstu liða og því spáð að Víkingar verði í toppbaráttunni en nái ekki því markmiði sínu að komast í deild þeirra bestu.

Þjálfarinn: Ólafur Þórðarson er að fara inn í sitt annað tímabil sem þjálfari Víkings. Þessi grjótharði reynslubolti hefur áður þjálfað Fylki, ÍA og fleiri lið. Hann er nú kominn með nýjan aðstoðarmann, Milos Milojevic.

Hvað segir Garðar Gunnar? Garðar Gunnar Ásgeirsson er álitsgjafi síðunnar um 1. deild karla. Garðar hefur verið sérfræðingur Fótbolta.net um neðri deildirnar síðustu ár. Hann er fyrrum þjálfari Leiknis í Breiðholti.

Styrkleikar: Það er á heildina litið aukin breidd í liðinu frá síðasta tímabili og meiri samkeppni um stöður. Víkingar eru klárlega farnir að spila betri fótbolta en þeir hafa gert undanfarin ár og liðið átt marga flotta uppspilskafla á undirbúningstímabilinu. Ætti að vera gaman að mæta á Víkingsleiki í sumar.

Veikleikar: Markaskorun hefur verið að skiptast á fáar hendur en Pape Mamadou Faye er mættur og kemur til með að styrkja þá gríðarlega þar ef hann helst heill. Þó breiddin fram á við sé orðin mikil þá vantar liðinu enn breidd varnarlega og spurningamerki hvernig vörninni verður stillt upp. Liðið má ekki við skakkaföllum þarna.

Lykilmenn: Ingvar Kale í markinu, Kristinn Jóhannes Magnússon og Halldór Smári Sigurðsson.

Gaman að fylgjast með: Ég ætla að nefna tvo unga leikmenn. Aron Elís Þrándarson og Viktor Jónsson. Aron er griðarlega hæfileikaríkur fótboltamaður og Viktor er senter og markaskorari sem lið vilja hafa. Meiðsli hafa verið að hrjá hann en vonandi verður hann heill í sumar.

Líklegt byrjunarlið í upphafi móts:


Komnir:
Axel Kári Vignisson frá ÍR
Dofri Snorrason frá KR
Ingvar Þór Kale frá Breiðabliki
Igor Taskovic
Ívar Örn Jónsson frá HK
Marko Pavlov
Óttar Steinn Magnússon frá Hetti
Pape Mamadou Faye frá Grindavík

Farnir:
Aaron Spear (Var á láni)
Chris Ross
Egill Atlason í Leikni R.
Evan Schwartz til Bandaríkjana
Helgi Sigurðsson í Fram
Kevin Schmidt til Danmerkur
Sigurður Egill Lárusson í Val

Fyrstu leikir Víkings R.:
9. maí: Grindavík - Víkingur R.
17. maí: Víkingur R. - Selfoss
24. maí: Fjölnir - Víkingur R.