Fotbolti.net
07.05.17 - 18:54
Guðmundur Aðalsteinn Ásgeirsson

Pepsi-deildin: Stjarnan lék á als oddi gegn ÍBV

Stjarnan fór illa með ÍBV.

Stjarnan fór illa með ÍBV.

Canon

Mynd: Fótbolti.net - Tomasz Kolodziejski

Stjarnan 5 - 0 ÍBV
1-0 Hólmbert Aron Friðjónsson (\'6, víti)
2-0 Jósef Kristinn Jósefsson (\'24)
3-0 Hólmbert Aron Friðjónsson (\'45)
4-0 Hilmar Árni Halldórsson (\'70)
5-0 Guðjón Baldvinsson (\'90)
Smelltu hér til að lesa nánar um leikinn
Stjarnan lék á als oddi í fyrri leik dagsins í Pepsi-deild karla. Eftir jafntefli gegn Grindavík í fyrstu umferð vildu þeir vinna í dag.

Fyrsta markið kom strax eftir sex mínútur þegar Hólmbert Aron Friðjónsson skoraði úr vítaspyrnu. Leikmenn ÍBV voru alls ekki sáttir við vítaspyrnudóminn, en það er dómarinn sem dæmir.

Í kjölfarið bættu Stjörnumenn við tveimur mörkum fyrir hlé; fyrst skoraði Jósef Kristinn Jósefsson eftir langa sókn og síðan bætti Hólmbert Aron við öðru marki sínu með dúndurskoti.

Í upphafi seinni hálfleiks misstu heimamenn Hólmbert Aron af velli, en það kom ekki að sök. Hilmar Árni Halldórsson gerði fjórða mark Stjörnunnar á 70. mínútu áður en Guðjón Baldvinsson bætti við fimmta markinu í uppbótartíma.

Lokatölur í Garðabænum í dag, 5-0 fyrir Stjörnuna. Stjarnan er með fjögur stig eftir fyrstu tvo leikina, en ÍBV er með eitt.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.