Breiðablik vann Hött

Breiðablik er komið áfram í 8-liða úrslit Borgunarbikars kvenna eftir 2-0 sigur gegn Hetti í dag.

Fyrra mark leiksins var svo sannarlega ekki lengi á leiðinni, en það skoraði Andrea Rán Snæfeld Hauksdóttir strax á 1. mínútu.

Óhætt er að segja að Breiðablik hafi ráðið lögum og lofum í leiknum. Liðið átti yfir 30 skot og bætti við marki á 74. mínútu. Þar var á ferðinni Fanndís Friðriksdóttir.

Ekki urðu mörkin fleiri en sigurinn dugði Blikum til að komast áfram í næstu umferð.