8-liða úrslitum Borgunarbikarsins lauk í gær þegar 1. deildarlið KA vann 2-1 sigur gegn Fjölni. Dregið verður í undanúrslitin í hádeginu í dag í beinni lýsingu hér á síðunni.
Byrjum á því að opinbera úrvalslið úr 8-liða úrslitum en að sjálfsögðu var Fótbolti.net með fréttaritara á öllum völlum.
Byrjum á því að opinbera úrvalslið úr 8-liða úrslitum en að sjálfsögðu var Fótbolti.net með fréttaritara á öllum völlum.
Bjarni Jóhannsson er þjálfari úrvalsliðsins enda KA eina 1. deildarliðið sem hefur náð þetta langt í keppninni. Góður árangur það.
Auk þess að eiga þjálfarann eru KA-menn með þrjá leikmenn í liðinu. Davíð Rúnar Bjarnason stóð sig frábærlega í hjarta varnarinnar og skoraði fyrsta mark leiksins. Í sóknarleiknum voru Elfar Árni Aðalsteinsson og Ævar Ingi Jóhannesson magnaðir að vanda.
KR heldur í hefðina með því að vinna bikarleiki. Liðið vann FH 2-1 í skemmtilegum leik þar sem Stefán Logi Magnússon stóð sig vel í markinu og varði nokkrum sinnum vel frá FH-ingum sem úr hörkufæri. Gary Martin skoraði sigurmarkið og Sören Frederiksen var gríðarlega vinnusamur og ógnandi.
Valsmenn unnu 2-1 útisigur á Víkingi eftir að hafa lent undir. Maður leiksins var Orri Sigurður Ómarsson, varnarmaðurinn ungi í Val, en einnig fær Haukur Páll Sigurðsson fyrirliði pláss í úrvalsliðinu.
Síðast en alls ekki síst eru það fulltrúar ÍBV en Eyjamenn unnu frábæran 4-0 sigur gegn Fylki. Bjarni Gunnarsson átti stjörnuleik og skoraði tvívegis, seinna markið var algjört konfekt. Ian Jeffs var afar öflugur og varnarmaðurinn Hafsteinn Briem öryggið uppmálað.
Athugasemdir