,,Mér fannst stelpurnar standa sig vel í dag, jafnræði með liðunum í fyrri hálfleik, reyndar byrjuðu Valsararnir betur en svo unnum við okkur inn í leikinn og út hálfleikinn fannst mér vera jafnræði," sagði Þórður Þórðarson þjálfari ÍA eftir 3-1 tap gegn Val í Pepsi-deild kvenna í kvöld.
Lestu um leikinn: Valur 3 - 1 ÍA
,,Í seinni hálfleik missum við mann útaf fljótlega og eftir það var þetta erfitt en þær stóðu sig frábærlega skagastelpurnar og það var ekki að sjá á leik liðsins að þær væru færri."
,,Þær hafa stigið upp og stóðu sig frábærlega í dag og sérstaklega í seinni hálfleik manni færri," sagði Þórður en Gréta Stefánsdóttir fékk að líta sitt annað gula spjald og þar með rautt á 57. mínútu.
,,Mér fannst bæði gulu spjöldin sem hún fær voðalega cheap, ef þetta voru gul spjöld þá hefði hann mátt gefa 10 gul í viðbót í leiknum. Dómarinn stóð sig vel í heildina."
Athugasemdir