,,Ég ætla ekki að gera honum það að segja að hann hafi haldið með Þrótti en hann var alveg skelfilegur. Hann eyðilagði þennan leik. Hann var vanhæfur í sínu hlutverki."

,,Ég veit ekki í hvaða heimi þessi maður er. Ég horfði á hann dæma á Þór - Fram á Akureyri um daginn og hann var arfaslakur. Það er kannski ekki óeðlilegt að hann sé að dæma í 1. deildinni í framhaldi af því."

,,Þá hlýtur framhaldið að vera það að hann fari að dæma í 2. deild eða neðar. Ef þetta eftirlitsmanna kjaftæði hjá KSÍ á að virka þá á þessi maður ekki að koma nálægt fyrstu og úrvalsdeildinni."

Milos Glogovac brjálaðist út í Magnús dómara eftir að Vladan Vukovic fékk rauða spjaldið á 40. mínútu. Eftir mikinn atgang fékk Milos einnig rauða spjaldið.

,,Ég ætla ekki að skamma Milos fyrir það. Hann var nýbúinn að fá dæmt á sig bull víti og okkar leikmaður var rekinn út af fyrir eitthvað algjört kjaftæði. Var hann að ræna hann upplögðu marktækifæri á miðjum vellinum? Þetta var engin svakaleg tækling. Langt frá því."

,,Það eru háar tilfinningar í þessu, það er mikið undir og ég ætla ekki að skamma Milos fyrir þetta. Ég vona að dómarinn sjái sóma sinn í að hafa almennilega skýrslu á Milos. Ég held að hann eigi að horfa á það sem átti sér stað áður en þetta skeður."

KF er nú fimm stigum á eftir Þrótti þegar tvær umferðir eru eftir. Liðið á eftir að mæta Grindavík og Selfoss í síðustu tveimur leikjum og ekkert annað en sigur í báðum leikjunum dugar til að bjarga sætinu í deildinni.

,,Þetta er nánast búið. Við erum ekkert hættir. Við eigum Grindavík heima næst og það er klárt mál að við verðum að vinna næstu tvo leiki," sagði Lárus Orri.

Hér að ofan má sjá viðtalið í heild sinni.