Freyr Alexandersson.
Freyr Alexandersson, þjálfari íslenska kvennalandsliðsins, segir að krafan sé sett á að vera með fullt hús eftir fyrstu þrjá leiki undankeppni EM. Ísland vann Hvíta-Rússland í síðasta mánuði en framundan eru útileikir gegn Makedóníu og Slóveníu 22. og 26. október.
„Mér lýst mjög vel á verkefnið. Ferðalagið verður bara skemmtilegt, þetta er góður hópur til að ferðast með. Þetta eru skemmtilegir ferðafélagar," segir Freyr.
„Það er mikilvægt að allir leikmenn séu andlega undirbúnir undir það að lenda kannski í skrítnum aðstæðum varðandi æfingavelli og keppnisvöll. Ef eitthvað svoleiðis kemur upp þá bara bregðumst við við aðstæðum og tæklum það vel."
„Við viljum ná sex stigum úr þessari ferð. Annað væri vonbrigði. Þetta er samt snúið verkefni, sérstaklega Slóveníuleikurinn. Þetta er mjög sterkt lið, sterkara en ég átti von á svo ég sé hreinskilinn."
Viðtalið má sjá í heild sinni í spilaranum hér að ofan. Þar talar Freyr meðal annars um að liðið sé alltaf að verða betra og betra í að stýra leikjunum og útskýrir þær tvær breytingar sem hann gerir á leikmannahópnum.
Athugasemdir
