David Moyes var í dag ráðinn stjóri West Ham og mun hann stýra liðinu út þetta leiktímabil.

Moyes tekur við starfinu af Slaven Bilic sem var látinn taka pokann sinn eftir dapra byrjun á tímabilinu.

Stuðningsmenn West Ham eru flestir nokkuð áhyggjufullir vegna ráðningu Moyes þar sem hann hefur ekki staðið sig vel í síðustu störfum sínum. Síðast var hann stjóri Sunderland á síðasta tímabili, en hann hætti þar eftir að liðið féll úr ensku úrvalsdeildinni.

David Gold, annar eiganda West Ham, hefur tjáð sig um ráðningu Moyes. Hann segir að Skotinn hafi verið besti kosturinn.

„Hann er reynslumikill og það er líklega aðalástæðan fyrir því að réðum hann, þetta er fullkomið starf fyrir hann og hann er fullkominn fyrir okkur," sagði Gold við Sky.