„Þetta verður ekki betra," sagði landsliðsmarkvörðurinn Hannes Þór Halldórsson um aðstæður í Doha í Katar. Íslenska landsliðið verður í Katar næstu daga og mun þar spila vináttulandsleiki gegn Tékklandi og heimamönnum.
„Það er sól og blíða og hér er allt til alls. Þetta er skemmtileg, öðruvísi ferð," sagði Hannes einnig um aðstæður í Katar.
„Það er sól og blíða og hér er allt til alls. Þetta er skemmtileg, öðruvísi ferð," sagði Hannes einnig um aðstæður í Katar.
Í hópnum núna eru fjórir markverðir og samkeppnin um sæti í hópnum sem fer til Rússlands næsta sumar er mikil.
„Við erum vel settir með markmenn núna. Þegar ég var fyrst tekinn inn í landsliðið vorum við allir þrír (sem voru í hópnum) að spila á Íslandi. Núna erum við fimm að spila úti og það er mikil samkeppni og það er frábært."
Hannes gerir ekki ráð fyrir að spila mikið í þessari ferð.
„Það hefur verið aðeins talað um að það verði minni spiltími fyrir okkur sem spiluðum mest í undankeppninni, þannig að ég geri ekki ráð fyrir því að spila sérstaklega mikið, en það kemur í ljós. Ég verð ef ég fæ mínútur," sagði Hannes að lokum.
Viðtalið er í heild sinni hér að ofan. Þar ræðir Hannes m.a. um gengið hjá liði sínu, Randers í Danmörku. Það hefur ekki verið sérstaklega gott, en liðið situr á botni dönsku úrvalsdeildarinnar.
Athugasemdir
