Matej Vydra.
Matej Vydra, framherji Derby, hefur dregið sig úr tékkneska landsliðshópnum fyrir vináttuleikinn gegn Íslandi á morgun. Vydra hefur verið að glíma við meiðsli undanfarnar vikur og hann verður fjarri góðu gamni á morgun.
Vydra hefur skorað fimm mörk í nítján landsleikjum en hann var markahæstur í hópi Tékka fyrir leikinn gegn Íslandi.
Michal Krmencík hjá Victoria Plzen og Antonín Barák miðjumaður Udinese eru núna markahæstir í tékkneska hópnum en þeir hafa báðir skorað fjögur mörk með landsliðinu.
Vydra er 25 ára gamall en hann hefur skorað sex mörk með Derby í Championship deildinni á þessu tímabili. Hann hefur einnig leikið með Watford, WBA og Reading á Englandi.
Tímabilið 2012/2013 var hann valinn besti leikmaðurinn í Championship deildinni en hann spilaði þá með Watford.
Sjá einnig:
Tékkar tilkynna hópinn sem mætir Íslandi og Katar
Athugasemdir
