Varnarmaðurinn Virgil van Dijk er 100% einbeittur á að gera góða hluti með liði sínu, Southampton.

Van Dijk reyndi að komast í burtu frá Southampton síðasta sumar, en það varð ekkert að því hjá honum.

Liverpool hafði mikinn áhuga á honum og reyndi að kaupa hann. Það gekk hins vegar ekki eftir þar sem Liverpool hafði rætt ólöglega við Van Dijk og Southampton hótaði að tilkynna það. Í kjölfarið ákvað Liverpool að hætta að eltast við Van Dijk.

Hinn hollenski Van Dijk vildi ólmur komast til Liverpool, en hann er ekki að hugsa um Liverpool núna.

„Mér finnst það ekki viðeigandi að tjá mig um það sem gerðist áður," sagði Van Dijk við Daily Echo.