„Það tók tíma fyrir mig að byrja að skora mörk en ég er kominn í gang núna," sagði Gylfi Þór Sigurðsson í viðtali við heimasíðu Swansea eftir 1-1 jafnteflið gegn Crystal Palace um helgina.

Gylfi skoraði beint úr aukaspyrnu í leiknum en þetta var fimmta mark hans í sex leikjum á þessu ári.

„Ég var bjartsýnn fyrir aukaspyrnuna og hitti boltann vel, ég var ánægður með það. Þetta gaf okkur góða byrjun og við vorum nálægt því að skora aftur en við náðum bara ekki að brjóta þá á bak aftur."