Til Frakklands í sumar?
Franska blaðið L'Equipe segir að forráðamenn franska toppliðsins Paris Saint-Germain hafi rætt við bróðir Antonio Conte, Gianluca, og látið vita af áhuga sínum.
Sagt er að Conte muni hitta fulltrúa PSG á næstu dögum en flestir telja að Conte muni yfirgefa Chelsea í sumar þar sem samband hans við æðstu menn á Stamford Bridge er orðið ansi stíft.
Sagt er að Conte muni hitta fulltrúa PSG á næstu dögum en flestir telja að Conte muni yfirgefa Chelsea í sumar þar sem samband hans við æðstu menn á Stamford Bridge er orðið ansi stíft.
Conte hefur verið pirraður yfir því að ekki hafi verið eytt meiru í að styrkja leikmannahópinn eftir að Chelsea vann ensku úrvalsdeildina í fyrra.
Hætta er á að Chelsea missi af sæti í Meistaradeildinni en liðið er fimm stigum á eftir Tottenham.
Hjá PSG er Unai Emery á barmi þess að vera rekinn eftir að liðið féll úr leik í 16-liða úrslitum Meistaradeildarinnar með því að tapa samtals 5-2 fyrir Real Madrid.
Katarskir eigendur PSG hafa eytt háum fjárhæðum og munu líklega skipta um þjálfara í sumar. Arsene Wenger, stjóri Arsenal, hefur einnig verið orðaður við starfið en staða hans er einnig tæp.
Sjá einnig:
Munurinn á Man City og PSG er Guardiola
Athugasemdir
