Farid Zato.
KR og miðjumaðurinn Farid Zato hafa komist að samkomulagi um starfslok.
„Leikmaðurinn, sem varð bikarmeistari með KR á síðustu leiktíð, leitar nú nýrra tækifæra en KR þakkar Farid fyrir samstarfið og óskar honum alls hins besta í framtíðinni," segir í tilkynningu frá talsmanni leikmannsins.
Nokkur félög hafa haft samband við Farid en hann mun semja við nýtt félag áður en félagaskiptaglugginn lokar á Íslandi eftir viku.
Farid er landsliðsmaður Tógó en hann kom til KR fyrir síðasta tímabil eftir að verið nálægt því að ganga í raðir Þórs.
Farid er 23 ára gamall en hann hefur einnig verið á mála hjá FH, HK og Víkingi Ólafsvík á ferli sínum.
Athugasemdir
