Rúna Sif kom Stjörnunni á bragðið í kvöld
Stjarnan 4-1 Breiðablik
1-0 Rúna Sif Stefánsdóttir ('33)
1-1 Telma Hjaltalín Þrastardóttir ('44)
2-1 Harpa Þorsteinsdóttir ('47)
3-1 Harpa Þorsteinsdóttir ('69)
4-1 Guðrún Karítas Sigurðardóttir ('90)
1-0 Rúna Sif Stefánsdóttir ('33)
1-1 Telma Hjaltalín Þrastardóttir ('44)
2-1 Harpa Þorsteinsdóttir ('47)
3-1 Harpa Þorsteinsdóttir ('69)
4-1 Guðrún Karítas Sigurðardóttir ('90)
Stjarnan og Breiðablik mættust á Samsung vellinum í Garðabæ í kvöld í meistarakeppni kvenna.
Þessi sömu lið áttust við í úrslitum Lengjubikarsins á dögunum þar sem Stjörnustúlkur unnu 3-0 sigur.
Rúna Sif Stefánsdóttir kom Stjörnunni yfir í kvöld með skalla eftir um halftíma leik. Undir lok fyrri hálfleiks jafnaði Telma Hjaltalín Þrastardóttir fyrir Breiðablik með góðu einstaklingsframtaki og staðan því jöfn í leikhléi.
Eftir aðeins tveggja mínútna leik í síðari hálfleik var komið að markadrottningunni Hörpu Þorsteinsdóttir en hún kom þá Stjörnunni í 2-1. Harpa var svo aftur á ferðinni á 69.mínútu þegar hún nýtti sér mistök í vörn Breiðabliks og skoraði þriðja mark Stjörnunnar.
Guðrún Karítas Sigurðardóttir negldi síðasta naglann í kistu Breiðabliks með marki í uppbótartíma.
Þriggja marka sigur Stjörnunnar á Breiðabliki staðreynd, í annað sinn á tíu dögum.
Athugasemdir
