Pepsi-kvenna: Ekkert fær stöðvað Breiðablik - Jafnt á Akureyri

Tveir leikir voru á dagskrá í Pepsi deild kvenna í kvöld.

Breiðablik er með yfirburðarstöðu í deildinni og átti ekki í neinum vandræðum í Vestmannaeyjum í kvöld þar sem liðið var í heimsókn hjá ÍBV. Andrea Rán Hauksdóttir kom gestunum yfir undir lok fyrri hálfleiks og Fanndís Friðriksdóttir innsiglaði sigurinn með því að setja þrennu í síðari hálfleik.

Á Akureyri mættust Þór/KA og Selfoss í miklum rokleik. Lillý Rut Hlynsdóttir kom heimastúlkum yfir snemma leiks en Guðmunda Brynja Óladóttir jafnaði fyrir gestina í blálokin.