„Ég bara mjög stoltur af þessari kröftugu frammistöðu," sagði Gunnlaugur Jónsson þjálfari ÍA, eftir 1-1 jafntefli við KR á heimavelli í Pepsi deildinni í kvöld.
Lestu um leikinn: ÍA 1 - 1 KR
„Við þurftum heldur betur að stíga hérna fram á völlinn og sína úr hverju við erum gerðir. Við fengum all svakalega á trýnið gegn Val, við fengum góða viku til að undirbúa þennan leik og mér fannst við fá þannig viðbrögð að við getum klárlega byggt ofan á þetta.
„Þeir voru ekkert að fá nein brjáluð færi. Þeir eru reyndar með brjálaðan spyrnumann í Óskari og þessar aukaspyrnur þarna hægra megin með vindi eru bara hættulegar þegar þú ert með þannig gæði í liðinu. Enn fram að því eru það við sem erum að fá betri færi og eigum klárlega að vera búnir að setja tvö núll á þá. Svo sé ég ekki alveg í lokinn hvað gerist þarna þegar þeir koma boltanum inn fyrir línuna og skora annað markið sem svo reyndar dæmt af. Engu að síður við fengum úrslit, við fengum stig á töfluna sem er mikilvægt og ég ítreka að við getum byggt á svo mörgu sem við sýndum hér í kvöld. Geggjuð liðsheild og menn voru tilbúnir að selja sig dýrt hér í dag."
Skagamenn vildu fá vítaspyrnu sem ekki var dæmd og Gulli var spurður út í það.
„Mér fannst þetta vera víti, alla vega úr því sjónarhorni sem við vorum en svona er þetta. Stundum færðu ákvarðanir með þér og stundum á móti þér. Því miður þá dæmdi Walesverjinn ekki víti þarna en kannski fengum við svo með okkur þegar KR-ingar skora þar sem er dæmt af."
Einnig tilkynnti Gunnlaugur að Robert Menzel hefði spilað sinn síðasta leik fyrir ÍA.
Viðtalið í heild sinni má sjá hér að ofan.
Athugasemdir