„Einn af þeim hlutum sem Lars hefur komið með inn í liðið er mikið um endurtekningar, endurtaka bæði okkar varnarleik og sóknarleik," sagði Eiður Smári Guðjohnsen í samtali við Fótbolta.net fyrir landsliðsæfingu í morgun.
„Þeir eru mjög þéttir varnarlega séð og spila meira af skyndisóknum. Við þurfum kannski að stjórna þessum leik kannski frekar en gegn Hollandi, Tékklandi og Tyrklandi."
„Við eigum bara að horfa á efsta sætið og gíra okkur inn á það að halda því og svo er mikið talað um þennan 3.styrkleikaflokk sem getur verið mjög mikilvægt."
Aðspurður um hvort menn hafi verið lengi í skýjunum eftir að það kom í ljós að sæti á EM væri í höfn.
„Nei var okkur ekki hent út fljótlega bara?"
Kínverjarnir voru ekki lengi að taka við sér þegar þeir heyrðu af því að Ísland væru komnir á stórmót í fótbolta og óskuðu þeir Eið strax til hamingju.
„Já þeir gerðu það, ég held að það gerist ósjálfrátt þegar þú ert með hóp af leikmönnum sem kemur saman daglega og eitthvað svona gerist í fótbolta þá er það heimsfrétt og það nær alveg til Kína líka."
Eiður segir að mun auðveldara sé að ferðast frá Kína og hingað heldur en öfugt.
„Ég lenti í djöfullegu ferðalagi eftir síðasta leik þar sem ég lagði af stað á þriðjudegi og kom á endastöð á laugardegi."
Aðspurður um samningsstöðu og framhald hans úti í Kína sagði Eiður,
„Við sömdum bara um það að samningar yrðu skoðaðir í lok tímabils. Ég er ekkert stressaður yfir því hvar ég verð, en ef við tökum samt Kína sem dæmi þá færi ég bara í undirbúningstímabil í janúar og tímabilið byrjar í mars þannig hún verður í fullum gangi þegar keppnin hefst,"
Athugasemdir