Katrín Ásbjörnsdóttir og Ana Cate ásamt Einari Páli við undirskriftina.
Sóknarmaðurinn Katrín Ásbjörnsdóttir skrifaði í dag undir þriggja ára samning við Stjörnuna, en hún lék síðast með Klepp í efstu deild Noregs. Þetta kemur fram á vef Stjörnunnar.
Katrín er uppalin KR-ingur en spilaði fyrir Þór/KA árin 2012-2014 og varð Íslandsmeistari með liðinu. Þá á hún að baki tvo A-landsleiki og fjölda leikja fyrir yngri landslið Íslands.
Katrín er uppalin KR-ingur en spilaði fyrir Þór/KA árin 2012-2014 og varð Íslandsmeistari með liðinu. Þá á hún að baki tvo A-landsleiki og fjölda leikja fyrir yngri landslið Íslands.
„Við höfum lengi haft augastað á Katrínu og nú kom tími sem hentaði báðum aðilum. Það eru virkilega góð tíðindi að hún hafi kosið að koma í Stjörnuna," sagði Einar Páll Tamimi, formaður meistaraflokksráðs kvenna, við Fótbolta.net.
„Við höfum mikinn metnað fyrir því að endurheimta Íslandsmeistaratitilinn á næsta ári og þessi liðsstyrkur hjálpar okkur í átt að því markmiði."
Þá skrifaði Ana Victoria Cate undir eins árs framlengingu á samningi sínum, en hún kom til Stjörnunnar frá FH síðasta vor og lék lykilhlutverk á nýafstöðnu tímabili.
Athugasemdir
