Gunnar Heiðar Þorvaldsson, framherji ÍBV, kemur óvænt við sögu í umræðu um þýsku Bundesliguna á Twitter í dag.

Verið var að auka stafabilið á Twitter úr 140 stöfum í 280 stafi og af því tilefni ákvað tölfræðiveitan Opta að rifja upp fimm lengstu nöfnin í sögu þýsku Bundesligunnar.

Þar kemst Gunnar Heiðar á blað en hann spilaði með Hannover í þýsku Bundesligunni tímabilið 2006/2007 eftir að hafa verið markakóngur í Svíþjóð árið áður.

Gunnar Heiðar fór síðan til Valerenga í Noregi á láni árið 2007 áður en hann fór til Esbjerg í Danmörku.

Hér að neðan má sjá færsluna hjá Opta.