„Við erum mjög ánægðir að geta tilkynnt fyrsta leikmanninn, Ágúst Leó, framherji sem skorar mikið af mörkum. Það hefur tekið tíma að semja við menn og finna réttu mennina, en það er bara fínt því þá vanda menn sig enn frekar," sagði Kristján Guðmundsson, þjálfari ÍBV, eftir fyrsti nýji leikmaður Eyjamanna fyrir næsta tímabil var tilkynntur í höfuðstöðvum Eimskips í dag.
Ágúst Leó Björnsson skrifaði undir þriggja ára samning en hann kemur til ÍBV frá Stjörnunni.
Aðspurður segist Kristján hafa fylgst með Ágústi mjög lengi.
„Ég hef séð hann spila fótbolta frá því hann var sex ára gamall, svona meira og minna. Hann er strákur sem hefur ótrúlegan áhuga á fótbolta, hann hugsar ekki um neitt annað."
„Mig grunar að hann komi á óvart með okkur næsta sumar."
Ágúst Leó Björnsson skrifaði undir þriggja ára samning en hann kemur til ÍBV frá Stjörnunni.
Aðspurður segist Kristján hafa fylgst með Ágústi mjög lengi.
„Ég hef séð hann spila fótbolta frá því hann var sex ára gamall, svona meira og minna. Hann er strákur sem hefur ótrúlegan áhuga á fótbolta, hann hugsar ekki um neitt annað."
„Mig grunar að hann komi á óvart með okkur næsta sumar."
Ágúst Leó er tvítugur en hann var á láni hjá Aftureldingu í 2. deildinni í sumar. Þar skoraði Ágúst þrettán mörk í tuttugu leikjum en hann kom til baka í sumar eftir að hafa fótbrotnað illa í 2. flokki Stjörnunnar árið 2016. Hann ætlar að flytja til Eyja í janúar.
„Þegar ég ræddi fyrst við Ágúst Leó þá var ég hrifinn af því hvernig hann setti hlutina fram, hvernig hann talaði og hvernig hann hugsar. Ég var aldrei í vafa um að samningar myndu nást eftir að ég talaði við hann," sagði Kristján við Fótbolta.net.
ÍBV hefur misst marga leikmenn, en Kristján segir það ekki áhyggjuefni.
„Það er í rauninni ekki áhyggjuefni. Við erum að missa fleiri leikmenn en við hefðum talið æskilegt, en það er það sem gerist í fótbolta. Þetta gefur öðrum möguleika."
„Við erum að færa leikmenn upp úr 2. flokki. Við erum með fjóra eða fimm leikmenn sem við ætlumst til að verði í 18-20 manna hópi ÍBV á næsta ári."
Hver eru markmið ÍBV fyrir næsta tímabil?
„Við ætlum að reyna að ýta okkur upp í toppinn og berjast við liðin sem hafa verið þar. Við ætlum að standa okkur vel í bikarnum og síðast en ekki síst standa okkur vel í Evrópudeildinni."
Viðtalið er í heild sinni hér að ofan.
Athugasemdir