Khamis Al Kuwari, dómari frá Katar, gerði hlé eftir 25 mínútur í leik Íslands og Tékklands í dag.

Tékkar komust yfir á 19. mínútu í dag þegar Tomas Soucek skoraði eftir langt innkast.

Kuwari gerði hlé nokkrum mínútum síðar til að leikmenn gætu fengið að drekka en mikill hiti er í Katar. Um það bil 30 gráðu hiti er á vellinum í dag.

Hitinn er mikill í Katar allt árið um kring. HM í Katar árið 2022 fer fram í nóvember en ekki að sumri til þar sem hitinn er of mikill þá.