Bale sem hefur aðeins byrjað fjóra leiki fyrir Real Madrid í spænsku úrvalsdeildinni á tímabilinu er enn að jafna sig eftir kálfameiðsli.

Zinedine Zidane þjálfari liðsins segir að það sé enn möguleiki á að Bale ferðist með liðinu til Sameinuðu Arabísku furstadæmanna fyrir undanúrslitin í heimsmeistarakeppninni.

„Bale verður ekki með á laugardaginn en hugmyndin er að hann verði klár í fyrsta leik heimsmeistarmótsins."

Þá er Raphael Varane varnarmaður liðsins einnig fjarri góðu gamni eftir að hafa haltrað útaf í 3-2 sigri á Dortmund í vikunni. Zidane segir þó að Varane muni ferðast með liðinu og verði vonandi klár í fyrsta leik heimsmeistaramóts félagsliða.