Landslið Perú hefur orðið fyrir áfalli en fyrirliði liðsins, sóknarmaðurinn Paolo Guerrero, hefur verið dæmdur í árs bann eftir að hafa fallið á lyfjaprófi.
Guerrero verður því ekki með Perú á HM í Rússlandi. Perú er með Frakklandi, Danmörku og Ástralíu í C-riðli.
Guerrero verður því ekki með Perú á HM í Rússlandi. Perú er með Frakklandi, Danmörku og Ástralíu í C-riðli.
Hinn 33 ára gamli Guerrero fór í lyfjapróf eftir markalaust jafntefli Perú gegn Argentínu í október. Í líkama hans fundust efni sem eru á bannlista FIFA.
Guerrero er markahæstur í sögu landsliðs Perú en hann spilar með Flamengo í Brasilíu. Hann lék á sínum tíma í Þýskalandi með Bayern München og Hamborg.
Ekki er vitað hvort hann muni áfrýja þessum úrskurði til íþróttadómstólsins.
Athugasemdir