Guðmundur Andri Tryggvason hefur skrifað undir samning við norska félagið Start en þetta var tilkynnt á Facebook síðu félagsins rétt í þessu. Hann kemur frá KR.
Guðmundur Andri er 18 ára sóknarmaður en faðir hans, Tryggvi Guðmundsson, gat sér gott orð sem atvinnumaður í Noregi á sínum tíma.
Guðmundur Andri er 18 ára sóknarmaður en faðir hans, Tryggvi Guðmundsson, gat sér gott orð sem atvinnumaður í Noregi á sínum tíma.
Í sumar skoraði Guðmundur Andri eitt mark fyrir KR í þrettán leikjum í Pepsi-deildinni en oftast kom hann inn sem varamaður seint í leikjum. Hann fékk færri spilmínútur en hann hafði vonast eftir.
Hann á 25 leiki fyrir yngri landslið Íslands.
Kristján Flóki Finnbogason spilar með Start og Jóhannes Harðarson er aðstoðarþjálfari liðsins. Start komst upp úr norsku B-deildinni á liðinni leiktíð og spilar í efstu deild á næsta ári.
Hér að neðan má sjá upptöku af því þegar Guðmundur Andri var kynntur á heimasvæði Start á Facebook.
Athugasemdir