Jose Mourinho þjálfari Manchester United telur að liðið hans sé betra en á síðasta tímabili. Lið hans mætir Manchester City í toppslag deildarinnar á sunnudaginn. Mourinho telur að lið City hafi einnig bætt sig töluvert síðan á síðasta tímabili.

„Við erum betri en á síðasta tímabili, ekki spurning. En Manchester City hefur einni bætt sig," sagði Mourinho.

Þegar Mourinho var spurður hversu góðir Manchester City væru sagði hann einfaldlega: „Mjög góðir."

„Þetta er enn einn stórleikurinn gegn einu af bestu liðum deildarinnar. Fyrsta sæti á móti öðru sæti, þetta er risa leikur."

Paul Pogba fékk rautt spjald gegn Arsenal um síðustu helgi og tekur út leikbann í leiknum. Marouane Fellaini gæti komið inn í liðið í hans stað en Mourinho segist þurfa að bíða með að sjá hvort hann sé tilbúinn til morguns.