Fótbolti.net

fös 08. desember 2017 13:00

Magnús Már Einarsson

Þorgrímur Þráins spáir í leiki helgarinnar á Englandi

Þorgrímur Þráinsson.

Mynd: Fótbolti.net - Hafliði Breiðfjörð

Rashford skorar gegn Manchester City samkvæmt spánni.

Mynd: Getty Images

Gylfi skorar gegn Liverpool samkvæmt spánni.

Mynd: Getty Images

Landsliðsmaðurinn Ólafur Ingi Skúlason var með fimm rétta þegar hann spáði í leikina í enska boltanum í síðustu viku.

Rithöfundurinn góðkunni Þorgrímur Þráinsson spáir í helgarinnar að þessu sinni en bók hans „Henri hittir í mark" kemur út núna fyrir jólin.

West Ham 1 - 3 Chelsea (12:30 á morgun)
Meistararnir rífa sig í gang og Conte fær sér einn kaldan um kvöldið. The Hammers skora eitt, bara fyrir Sæbba Johns vin minn. Annars yrði hann úrillur.

Burnley 2 - 1 Watford (15:00 á morgun)
Big Berg er ekki að fara að tapa fyrir Watford. Það er klárt enda „nóg til“ hjá Burnley og Jói vinur vor skorar og á stoðsendingu.

Crystal Palace 2 - 2 Bournemouth (15:00 á morgun)
Steindautt jafntefli!! Eða er 2:2 ekki steindautt? Nei, skellum fjórum mörkum í þennan leik.

Huddersfield 2 - 1 Brighton (15:00 á morgun)
Huddersfield þarf að fara að hysja sig upp af botninum og tekur þrjú stig. Flautumark hjá þeim.

Swansea 1 - 1 WBA (15:00 á morgun)
Gylfalausir Swansea menn eru í tómu tjóni og verða það líklega áfram. En þá munar um stig í hverjum leik og þeir taka eitt, ósanngjarnt.

Tottenham 3 - 1 Stoke (15:00 á morgun)
The Spurs eru brokkgengir en þurfa að fara að ná upp stöðugleika aftur. Þrjú stig og Jói „bróðir“ skipstjóri verður kátur.

Newcastle 1 - 2 Leicester (17:30 á morgun)
Gömlu meistararnir sýna flotta takta og þar sem Raggi Sig er ekki lengur með Vardy í vasanum skorar kappinn.

Southampton 0 - 1 Arsenal (12:00 á sunnudag)
Skytturnar þurfa að fikra sig upp töfluna hægt og bítandi og setja eitt en Southampton situr eftir með sárt ennið.

Liverpool 2 - 2 Everton (14:15 á sunnudag)
Þetta er svaðalegur leikur. Bæði lið dottinn í 5. gír, Poolararnir kannski í þeim 6.eftir stórsigur í vikunni en ég tippa á jafntefli. Gylfi verður maður dagsins, skorar og leggur upp eins og Jói Berg. Nóg til þar líka. Og líka hjá Magga Gylfa (ekki syni Gylfa).

Man Utd 2 - 1 Man City (16:30 á sunnudag)
Þetta er óskhyggja, bæði til að gleðja Magga Gylfa og Kristófer son minn og alla þá sem vilja ekki að City stingi af. Rashford skorar fyrst, City jafnar en Zlatan verður með sigurmarkið.

Fyrri spámenn:
Gaupi (7 réttir)
Gunnar Jarl Jónsson (6 réttir)
Haukur Páll Sigurðsson (6 réttir)
Lillý Rut Hlynsdóttir (6 réttir)
Siggi Dúlla (6 réttir)
Steindi Jr (6 réttir)
Gummi Ben (5 réttir)
Logi Bergmann (5 réttir)
Ólafur Ingi Skúlason (5 réttir)
Viðar Skjóldal - Enski (5 réttir)
Birkir Már Sævarsson (4 réttir)
Gunnhildur Yrsa Jónsdóttir (4 réttir)
Gunnar Heiðar Þorvaldsson (3 réttir)
Ólafur Darri Ólafsson (3 réttir)
Jón Ragnar Jónsson (1 réttur)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Liverpool	33	22	8	3	75	32	+43	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Newcastle	32	15	5	12	69	52	+17	50
7	Man Utd	32	15	5	12	47	48	-1	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Brighton	32	11	11	10	52	50	+2	44
11	Wolves	33	12	7	14	46	53	-7	43
12	Fulham	34	12	6	16	50	54	-4	42
13	Bournemouth	33	11	9	13	48	60	-12	42
14	Crystal Palace	33	9	9	15	42	56	-14	36
15	Brentford	34	9	8	17	52	59	-7	35
16	Everton	33	10	8	15	34	48	-14	30
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	33	3	7	23	31	88	-57	16