---

Manchester City er að undirbúa nýtt tilboð í Alexis Sanchez (29) en hann gæti verið á förum frá Arsenal í þessum mánuði. (Guardian)

Sanchez er tilbúinn að fórna 25 milljóna punda bónus til að ganga í raðir City í þessum mánuði. (Sun)

Arsenal ætlar að leyfa Sanchez að fara ef félagið fær nálægt 30 milljónum punda fyrir hann. Arsenal vill þá ganga frá málunum sem fyrst til að geta fundið annan leikmann í staðinn áður en félagaskiptaglugginn lokar um mánaðarmótin. (Mirror)

Fréttir segja að Sanchez verði líklega orðinn leikmaður City innan viku. (Independent)

Arsenal hefur sett Thomas Lemar (22) kantmann Mónakó efstan á óskalista sinn til að taka stöðu Sanchez. Arsenal reyndi að krækja í Lemar síðastliðið sumar en án árangurs. (Mirror)

Leonardo Jardim, þjálfari Mónakó, útilokar ekki að selja Lemar í þessum mánuði. (L'Eqiupe)

Arsenal og Liverpool vilja fá króatíska miðjumanninn Ivan Rakitic (29) en hann vill yfirgefa Barcelona eftir komu Philippe Coutinho. (Diariogol)

Liverpool hefur blásið á sögusagnir þess efnis að félagaskipti Coutinho til Barcelona hafi einungis gengið í gegn þar sem félagið hafi lækkað verðmiða sinn. (Times)

Francis Coquelin (26) miðjumaður Arsenal gæti verið á förum en West Ham vill fá hann. (Mirror)

Valencia er líka í viðræðum um kaup á Coquelin. (Cadena Ser)

Harry Kane (24) framherji Tottenham segist vera ánægður hjá félaginu en að það verði að fara að vinna titla til að hann verði áfram þar. (Star)

Chelsea hefur hætt við að fá Alex Sandro (26) frá Juventus þar sem ítalska félagið vill fá 60 milljónir punda fyrir hann. (Telegraph)

West Ham hefur áhuga á Leander Dendoncker (22) miðjumanni Anderlecht. (Nieuewsblad)

Leicester er tilbúið að selja framherjann Kelechi Iheanach (21) í þessum mánuði en hann hefur ekki náð að festa sig í sessi síðan hann kom frá Manchester City á 25 milljónir punda í ágúst. (Sun)

Juventus mun ekki kaupa miðjumanninn Sergej Milinkovic-Savic (22) frá Lazio. PSG er tilbúið að greiða allt að 150 milljónir punda fyrir leikmanninn en Manchester United hefur líka áhuga. (II BiancoNero)

West Ham er nálægt því að kaupa Jonjo Shelvey (25) frá Newcastle á tólf milljónir punda. (Express)

Derby er í viðræðum við Gary Rowett um nýjan samning en hann hefur verið orðaður við stjórastöðuna hjá Stoke eftir að Mark Hughes var rekinn. (Telegraph)

Newcastle ætlar að leyfa Aleksandar Mitrovic (23) að fara í þessum mánuði. Félagið vonast hins vegar til að endurheimta sem mest af þeim 13 milljónum punda sem það greiddi fyrir hann fyrir einu og hálfu ári síðan. (Chronicle)