Á fimmtudaginn klukkan 11:30 verður fyrri vináttulandsleikur Indónesíu og Íslands en hann verður sýndur beint á RÚV. Seinni leikurinn verður á sama tíma á sunnudag.
Fyrri leikurinn verður í borginni Yogyakarta og þar er íslenski hópurinn í undirbúningi fyrir leikinn.
Eftir langt og strangt ferðalag var fyrsta alvöru fótboltaæfingin í dag en fyrstu dagarnir hafa farið í léttan undirbúning með skokki og öðru. Sjö klukkustunda tímamismunur er á Íslandi og Indónesíu.
Strákarnir hafa einnig gefið sér smá tíma til að skoða helstu túristastaðina í og við borgina.
Hér má sjá myndir frá æfingunni í dag. Ekki er um opinbera landsleikjadaga að ræða en hér má sjá leikmannahóp Íslands í ferðinni.
Þarna er mögulega tækifæri fyrir leikmenn að ná að heilla þjálfarateymið og auka möguleika sína á því að vera með í flugvélinni sem fer til Rússlands í sumar.
Athugasemdir
