Lars Lagerback þjálfar Noreg.
Norska landsliðið, undir stjórn Lars Lagerback, fær líklega ekki að mæta Argentínu í vináttuleik í sumar eins og norska knattspyrnusambandið hafði vonast til.
Argentína mætir Íslandi á HM í Rússlandi og Norðmenn ákváðu að kanna hvort Argentína hefði áhuga á að mæta Norðurlandaþjóð í undirbúningi fyrir mótið.
Argentína mætir Íslandi á HM í Rússlandi og Norðmenn ákváðu að kanna hvort Argentína hefði áhuga á að mæta Norðurlandaþjóð í undirbúningi fyrir mótið.
„Við veltum því aðeins fyrir okkur að mæta Argentínu í vináttuleik en svo verður ekki. Það eru of stórar peningaupphæðir í spilinu, stórir leikvangar og langar vegalengdir. Við reynum en möguleikinn er lítill," sagði Nils Johan Semb yfirmaður fótboltamála hjá norska knattspyrnusambandinu í viðtali við NTB.
Norðmenn höfðu einnig hug á að mæta Mexíkóum í vináttuleik í Osló en leikjaplanið í norsku úrvalsdeildinni og bikarkeppninni í lok maí og byrjun júní kemur í veg fyrir það.
Norðmenn mæta Ástralíu og Albaníu í vináttuleikjum í mars en leit stendur yfir að mótherjum í sumar.
Athugasemdir
