Slaven Bilic, stjóri West Ham, var í skýjunum eftir að hans menn fóru áfram í enska bikarnum í kvöld á kostnað Liverpool.
Allt benti til þess að leikurinn væri á leið í vítaspyrnukeppni þegar Angelo Ogbonna tryggði West Ham 2-1 sigur með skalla á síðustu mínútu framlengingar.
Allt benti til þess að leikurinn væri á leið í vítaspyrnukeppni þegar Angelo Ogbonna tryggði West Ham 2-1 sigur með skalla á síðustu mínútu framlengingar.
„Ég get útskýrt hvernig mér líður en á sama tíma get ég það ekki. Þetta er frábært, þetta var æðislegur fótboltaleikur," sagði Bilic.
„Þetta var klassískur bikarleikur. Hann fer í sögubækurnar sem einn besti leikur West Ham. Liverpool, síðasta tímabilið á Upton Park, kvöldleikur, mark á lokamínútunni. Og við áttum þetta skilið, ég er mjög stoltur af strákunum. Þeir gáfu allt í þetta."
„Markið var rúsínan í pylsuendanum fyrir Ogbonna, hann var frábær í miðverðinum. Leikmennirnir gerðu stuðningsmennina stolta og við viljum komast enn lengra. Ef við spilum svona vel getum við unnið hvaða lið á Englandi sem er."
Athugasemdir