þri 09. febrúar 2016 15:25
Magnús Már Einarsson
Guidolin: Gylfi getur skorað fimmtán mörk
Mynd: Getty Images
Francesco Guidolin, stjóri Swansea, segir að Gylfi Þór Sigurðsson hafi burði til að skora fimmtán mörk á einu tímabili í ensku úrvalsdeildinni.

Gylfi hefur skorað sjö mörk á þessu tímabili en hann er með fimm mörk í síðustu sex leikjum Swansea.

„Ég var ánægður með að Gylfi skoraði aftur gegn Crystal Palace en ég var ekki hissa á því," sagði Guidolin.

„Ég tel að Gylfi geti skorað 15 mörk á tímabili því hann hefur hæfileikana og gáfurnar í það."

Gylfi skoraði níu mörk á síðasta tímabili með Swansea en miðað við stuðið sem hann hefur verið í að undanförnu þá er ekki ólíklegt að hann bæti þann árangur.
Athugasemdir
banner
banner
banner
banner