David Luiz og Paul Pogba gengu aftur í raðir sinna fyrrum félaga síðasta sumar og einhverjir stuðningsmenn Liverpool eru ósáttir við að Mamdou Sakho fór. Telegraph velti því fyrir sér hvaða leikmenn stuðningsmenn í ensku úrvalsdeildinni væru tilbúin að fá til baka.
Arsenal: Cesc Fabregas (Chelsea) - Arsenal er í vandræðum á miðsvæðinu og þeirra fyrrum liðsmaður gæti hjálpað þar.
Bournemouth: Adam Lallana (Liverpool) - Lallana byrjaði að spila fótbolta í unglingaliði Bournemouth og lék þrjá leiki með aðalliðinu á lánssamningi 2007.
Burnley: Kieran Trippuer (Tottenham) - Er varamaður hjá Spurs en stendur sig vel þegar hann spilar. Danny Ings hjá Liverpool er annar möguleiki fyrir Burnley en tvö liðbandameiðsli taka toll.
Chelsea: Romelu Lukaku (Everton) - Eftir velgengnina með David Luiz gæti Chelsea þá ekki reynt sama leik með Lukaku næsta sumar?
Everton: Shkodran Mustafi (Arsenal) - Var í unglingastarfi Everton á sínum tíma. Everton hefur verið orðað við Wayne Rooney en þarf liðið ekki frekar Mustafi?
Leicester: N'Golo Kante (Chelsea) - Einstakur leikmaður. Það hefur verið ómögulegt fyrir Leicester að fylla skarð hans.
Liverpool: Mamadou Sakho (Crystal Palace) - Matip hefur verið góður en á köflum hefur Liverpool saknað hæðar og styrks Sakho. Sérstaklega þegar Lucas Leiva þarf að spila miðvörð.
Manchester City: Jerome Boateng (Bayern München) - Guardiola þarf miðvörð sem getur höndlað betur að lenda einn á móti einum. Boateng var klettur í vörn Þjóðverja í úrslitaleik HM 2014.
Manchester United: Gerard Pique (Barcelona) - United yrði betra með því að bæta við sig heimsklassa miðverði. Pique var ungur þegar hann fór frá United en hann hefur þróast í einn best spilandi miðvörð heims.
Middlesbrough: James Morrison (West Brom) - Boro hefur átt í vandræðum með markaskorun og liðið gæti vel notað Morrison í að aðstoða við það.
Southampton: Alex-Oxlade Chamberlain (Arsenal) - Hér eru margir leikmenn sem koma til greina! Dýrlingarnir þurfa að skora fleiri mörk og þar kæmi Chamberlain sterkur inn.
Stoke: Steven Nzonzi (Sevilla) - Frakkinn hefur verið einn besti leikmaður tímabilsins í La Liga þar sem hann spilar sem varnarmiðjumaður.
Sunderland: Jordan Henderson (Liverpool) - Fáir leikmenn Sunderland hafa farið og gert stærri hluti á öðrum stöðum en Henderson er klárlega einn af þeim.
Tottenham: Gareth Bale (Real Madrid) - Spurs hefur þróast í eitt kraftmesta og besta lið deildarinnar. Bale myndi hjálpa þeim að taka næsta skref.
Watford: Ashley Young (Manchester United) - Varamaður á Old Trafford en yrði lykilmaður á Vicarage Road.
West Bromwich Albion: Curtis Davies (Hull) - Tony Pulis er góður stjóri fyrir þá sem eru komnir á síðustu árin og vilja framlengja ferilinn.
Athugasemdir