„Staðan á hópnum er mjög góð. Það eru engin meiðsli og allir tilbúnir í slaginn. Okkur hlakkar til að takast á við þetta verkefni, verkefni sem snýst að mestu um okkur sjálf og hvaða útgáfa af íslenska landsliðinu við ætlum að sýna á morgun," segir Freyr Alexandersson landsliðsþjálfari.

Varðandi byrjunarliðið á morgun:

„Ég geri einhverjar breytingar en ekkert rosalega margar. Það kemur í ljós á morgun. Ég ætla að sjá æfinguna aðeins. Fyrst og fremst mætum við hingað til að ná í þrjú stig en á sama tíma erum við sammála því að við getum gert ákveðna hluti miklu betur. Ég vil sjá það framkvæmt á morgun."

Hvernig er fyrir þjálfara að skipuleggja svona leik, gegn andstæðingi sem er einfaldlega ljósárum á eftir íslenska liðinu?

„Það er flókið. Þú þarft að finna innri „motivation". Við berum virðingu fyrir því sem verið er að gera í færeyskum fótbolta en okkar einbeiting er öll á okkar frammistöðu. Ég set gríðarlega miklu kröfu á að við skilum góðri frammistöðu á morgun."

Sjáðu viðtalið í heild í sjónvarpinu hér að ofan en þar fer Freyr meðal annars út í stöðuna í riðlinum, baráttuna um sæti á HM og útskýrir hana lauslega.