Þrír leikmenn úr Manchester United eru í liði helgarinnar í ensku úrvalsdeildinni eftir magnaða endurkomu gegn Manchester City um helgina.
Hér er lið helgarinnar hjá Garth Crooks á BBC.
Hér er lið helgarinnar hjá Garth Crooks á BBC.
Joe Hart (West Ham) - Frábær frammistaða í jafnteflinu gegn Chelsea. Er að stíga upp fyrir HM í sumar.
Seamus Coleman (Everton) - Virðist vera kominn aftur í sitt gamla form eftir erfið meiðsli. Góður í grannslagnum gegn Liverpool.
Cesar Azpilicueta (Chelsea) - Chelsea hefði auðveldlega getað tapað gegn West Ham hefði það ekki verið fyrir frammistöðu Azpilicueta.
Chris Smalling (Manchester United) - Svaraði gagnrýnendum með sigurmarkinu gegn Manchester City.
Ashley Young (Manchester United) - Sýndi enn eina góða frammistöðuna í bakverðinum. Var þó heppinn að fá ekki á sig vítaspyrnu.
Paul Pogba (Manchester United) - Minnti heldur betur á sig með tveimur mörkum á 92 sekúndum gegn Manchester City.
Luka Milivojevic (Crystal Palace) - Hefur skorað sjö mörk í síðustu tólf leikjum. Mikilvægt fyrir Palace í fallbaráttunni.
Jonjo Shelvey (Newcastle) - Skoraði í sigrinum á Leicester og átti margar góðar sendingar.
Christian Eriksen (Tottenham) - Skoraði eitt, eða tvö, gegn Stoke. Það fer eftir því hvort þú spyrð Harry Kane eða einvern annan.
Marko Arnautovic (West Ham) - Er að verða kominn með áskrift í liði vikunnar. Frábær gegn Chelsea í gær.
Wilfried Zaha (Crystal Palace) - Skoraði annað mark Palace gegn Bournemouth og var ógnandi allan leikinn.
Athugasemdir
