John Arne Riise, fyrrum vinstri bakvörður Liverpool, telur að liðið geti unnið Meistaradeildina á þessu tímabili. Riise vann sjálfur Meistaradeildina með Liverpool árið 2005.
Liverpool er 3-0 yfir eftir fyrri leikinn gegn Mancheser City í 8-liða úrslitunum en síðari leikurinn er á morgun.
Liverpool er 3-0 yfir eftir fyrri leikinn gegn Mancheser City í 8-liða úrslitunum en síðari leikurinn er á morgun.
„Þeir eiga góða möguleika á að fara alla leið á þessu tímabili þó að þetta verði mjög jafnt. Þú ert með lið eins og Barcelona, REal Madrid og Bayern þarna og það á eftir að klára City," sagði Riise.
„Það eru nokkur frábær lið eftir en ef þeir spila eins og á Anfield á miðvikudaginn þá eru ekki mörg lið að fara að stoppa þá."
„Öll hin liðin hafa séð þessa ótrúlegu frammistöðu. Hápressan og ákefðin í leiknum var ótrúleg. Þeir héldu því næstum í 90 mínútur. Liverpool sannaði að liðið getur unnið alla þegar það spilar upp á sitt besta."
„Félga eins og Liverpool ætti alltaf að vera í 8-liða, undanúrslitum eða úrslitum Meistaradeildarinnar að keppa við bestu félög í heimi."
„Ég held að stuðningsmennirnir hafi verið að bíða eftir þessu og það sama á við um leikmennina. Þetta er besta keppnin fyrir leikmenn og þú vilt gefa eitthvað til baka til stuðningsmannanna þegar þú kemst í hana."
„Ég er ánægður fyrir hönd Klopp. Það var búist við miklu af honum og hann getur nú komið aftur með Meistaradeildarbikarinn."
Athugasemdir