mán 09. apríl 2018 19:01
Ívan Guðjón Baldursson
Svíþjóð: Arnór lék allan leikinn - Haukur í barneignafríi
Markus Rosenberg, fyrrum leikmaður West Brom, gerði jöfnunarmark Malmö.
Markus Rosenberg, fyrrum leikmaður West Brom, gerði jöfnunarmark Malmö.
Mynd: Getty Images
Malmö 1 - 1 AIK
0-1 Henok Goitom ('12)
1-1 Markus Rosenberg ('43, víti)
Rautt spjald: Franz Brorsson, Malmö ('58)

Arnór Ingvi Traustason lék allan leikinn á vinstri kanti Malmö í 1-1 jafntefli gegn AIK. Haukur Heiðar Hauksson var ekki í leikmannahópi AIK þar sem hann eignaðist stelpu í gær.

Leikurinn var afar bragðdaufur en Henok Goitom kom AIK yfir snemma leiks. Markus Rosenberg jafnaði svo úr vítaspyrnu skömmu fyrir leikhlé.

Lítið var um færi og spiluðu heimamenn síðasta hálftímann manni færri, þegar Franz Brorsson fékk sitt annað gula spjald.

Liðin eru tvö af bestu liðum sænska boltans og eru með fjögur stig eftir tvær umferðir.




Athugasemdir
banner
banner
banner
banner