Vahid Halilhodzic hefur verið rekinn úr þjálfarastarfi sínu hjá japanska landsliðinu tveimur mánuðum fyrir Heimsmeistaramótið í Rússlandi.
Japan er í áhugaverðum H-riðli með Kólumbíu, Póllandi og Senegal og er fyrsti leikur liðsins á dagskrá 19. júní.
Japan er í áhugaverðum H-riðli með Kólumbíu, Póllandi og Senegal og er fyrsti leikur liðsins á dagskrá 19. júní.
Kozo Tashima, forseti japanska knattspyrnusambandsins, segir að nýr þjálfari verði kynntur síðar í dag.
Halilhodzic hefur verið við stjórnvölinn í Japan síðustu þrjú ár og vann erfiðan undanriðil með Sádí-Arabíu og Ástralíu til að komast á HM.
4-1 tap gegn Suður-Kóreu í Austur-Asíu leikunum í desember setti mikla pressu á þjálfarann. Jafntefli í æfingaleik gegn Malí og tap gegn Úkraínu varð svo til þess að Japanir hófu leitina að næsta landsliðsþjálfara.
Japan mætir Gana í æfingaleik 30. maí og Paragvæ 12. júní.
Athugasemdir
