Eriksen gaf fyrir úr aukaspyrnu og reyndi Kane að skalla boltann en náði ekki til hans. Þetta plataði markvörð Stoke og hafnaði boltinn í netinu.

Kane fagnaði markinu innilega og var það skráð á hann til að byrja með. Skráningunni breytt eftir leikinn þar sem ekki sást að Kane hafi náð að snerta knöttinn.

Sóknarmaðurinn sagðist að leikslokum sverja upp á líf dóttur sinnar að boltinn hafi snert öxlina hans áður en hann lak í netið.

Sky Sports segist hafa öruggar heimildir fyrir því að Tottenham hafi áfrýjað ákvörðuninni, til að fá markið skráð á Kane. Hann er búinn að skora 24 mörk í deildinni og vill ná Mohamed Salah, sem er með 29.

Myndband af atvikinu er hægt að sjá hér. Eriksen tekur aukaspyrnuna eftir 1 mínútu og 37 sekúndur af myndbandinu.