Origi færist nær Liverpool.
Belgíski leikmaðurinn Divock Origi sást á æfingasvæði Liverpool, Melwood, í dag. Flest bendir til þess að hann sá á leið í raðir félagsins.
Einhverjir fjölmiðlar hafa greint frá því að Origi hafi mætt í læknisskoðun en íþróttafréttamaðurinn Tony Barrett segir að það sé ekki rétt. Origi hafi mætt í viðræður við félagið og til að skoða aðstæður.
Á meðfylgjandi mynd má sjá þegar leikmaðurinn mætir á Melwood en hún hefur farið eins og eldur um sinu um samfélagsmiðla.
Origi er mikið efni en þessi 19 ára sóknarmaður Lille vakti mikla athygli með belgíska landsliðinu á HM. Hann skoraði sigurmarkið gegn Rússlandi sem tryggði Belgíu sæti í útsláttarkeppni mótsins.
Divock Origi með Belgíu á HM.
Athugasemdir
