Bikarúrslitaleikur karla fer fram næsta laugardag þegar Valur og KR eigast við en Knattspyrnuþjálfarafélag Íslands (KÞÍ) heldur glæsilega ráðstefnu í tengslum við leikinn.
Sigurður Þórir Þorsteinsson, formaður KÞÍ, var gestur í útvarpsþættinum Fótbolti.net á X-inu FM 97,7 í gær og kynnti ráðstefnuna auk þess að fara yfir hlutverk félagsins.
Hægt er að heyra viðtalið í spilaranum hér að ofan.
Sigurður Þórir Þorsteinsson, formaður KÞÍ, var gestur í útvarpsþættinum Fótbolti.net á X-inu FM 97,7 í gær og kynnti ráðstefnuna auk þess að fara yfir hlutverk félagsins.
Hægt er að heyra viðtalið í spilaranum hér að ofan.
Knattspyrnuþjálfarafélag Íslands í samstarfi við Knattspyrnusamband Íslands kynnir glæsilega bikarúrslitaráðstefnu sem haldin verður í tengslum við úrslitaleik Borgunarbikars karla, laugardaginn 15. ágúst.
Aðalfyrirlesarar ráðstefnunnar eru Aloys Wijnker, yfirþjálfari yngri flokka hjá AZ Alkmaar, og Martyn Heather, yfirmaður fræðslumála hjá ensku úrvalsdeildinni. Nánari upplýsingar um þá félagam fá finna hér.
Athygli þjálfara er vakin á því að ráðstefnan veitir 6 endurmenntunarstig á UEFA A og UEFA B þjálfaragráðum.
Dagskrá
10.00 Ávarp formanns KÞÍ
10.10 Uppbygging yngri flokka AZ Alkmaar
- Aloys Wijnker, yfirþjálfari yngri flokka hjá AZ Alkmaar
11.30 Sýnikennsla Aloys Wijnker
12.30 Matur
13.15 Elite Player Performance Plan
- Martyn Heather, yfirmaður fræðslumála hjá Premier League í Englandi
14.15 Þjálfarar liðanna sem leika úrslitaleikinn segja frá undirbúningi liðanna
14.45 Kaffi og spáð í leikinn með sérfræðingum
16.00 Bikarúrslitaleikur
Verð á ráðstefnuna er 5.000 krónur fyrir félagsmenn KÞÍ. Verð fyrir þá sem eru ekki félagsmenn er 10.000 krónur. Innifalið í verðinu er hádegismatur og miði á bikarúrslitaleikinn.
Ráðstefnan er opin öllum. Hægt er að skrá sig með því að senda tölvupóst á [email protected] með upplýsingum um nafn og kennitölu. Ráðstefnan verður haldin í Laugardalnum.
Sjá einnig:
Hlustaðu á þáttinn í heild sinni
Athugasemdir