„Þetta er soldið eins og sumarið hefur verið, stöngin út. Við fáum ágætis færi til að eiga möguleika á að taka þessi þrjú stig, en FH-ingar áttu þetta fyllilega skilið," sagði Kjartan Stefánsson, þjálfari Hauka eftir 0-1 tap fyrir FH í Kaplakrika í kvöld.
Lestu um leikinn: FH 1 - 0 Haukar
„ Það verður nátturulega alveg svakalega erfitt ef við ætlum að snúa þessu við. Til að við eigum mögulega verða Fylkir og KR að tapa sínum leikjum og við þurfum að vinna okkar, þá getum við farið að vinna okkur inn í þetta."
„En ef Fylkir og KR fara að vinna þá verður þetta svakalega erfitt og líkurnar minnka ansi hratt. En meðan við erum að spila svona, við erum búin að vera inn í öllum leikjum nema einum eða tveim þar sem við áttum ekki breik, ," sagði hann um möguleika Hauka að halda sér uppi, en liðið er ennþá á botni deildarinnar með eitt stig.
Athugasemdir
