Harpa Lind var hetja Þróttar í dag
Harpa Lind Guðnadóttir var hetja Þróttara í dag en hún skoraði sigurmark liðsins í síðari leiknum gegn Fjölni í úrslitakeppni 1. deildar. Adolf Ingi hjá Sporttv.is náði í skottið á markaskoraranum eftir leik og tók við hana viðtalið sem má horfa á hér að ofan.
Harpa segist ánægð með úrslitin en auk þess að skora eina mark leiksins var hún ógnandi og átti nokkur tækifæri til að bæta við mörkum. Eftir markið fékk hún til að mynda annað álíka færi sem fór í súginn.
„Já, ég hefði átt að nýta það. Þetta var frekar lélegt hjá mér,“ sagði Harpa Lind glottandi.
Þróttur er nú á leið að nýju upp í Pepsi-deildina og Harpa er alsæl með árangurinn.
„Þetta er frábær tilfinning. Þetta er það skemmtilegasta sem maður gerir.“
KR-ingar fylgja Þrótti upp í deild þeirra bestu en liðin mætast í úrslitaleik 1.deildar á laugardag. Úrslitaleikurinn leggst vel í Hörpu.
„Bara mjög vel. Við höfum spilað á móti þeim áður og það er bara gott að spila á móti þeim aftur,“
Athugasemdir
